究竟係咪沉船

小弟原打算約一個月後再約Elsa嘅想法，喺約完Faye後變為想即刻見到佢，小弟甚至喺TG留言話想見佢，只係佢冇反應。呢一刻小弟都冇乜考慮Elsa嘅諗法，照揾啲話題同佢傾，最後亦比計劃早兩星期約佢周末出嚟，而佢亦答應。心諗既然控制唔到，就索性隨心去約，只要好好隱藏自己嘅情感就可以。

點知約會前兩日，Elsa身體出咗啲小毛病，喺休息完一日都冇乜好轉下，要取消約會。其實當Elsa話佢唔舒服，小弟已經好想即刻去睇吓佢，但考慮到可能打擾到佢休息，又怕嚇親佢，小弟最後只係問吓佢康復情況。

取消咗原本充滿期待嘅約會，加上Elsa冇乜回覆小弟嘅TG，心情有啲低落，喺思緒混亂嘅情況下，小弟決定約另一個女仔去填補。最後小弟約咗Gina，佢係早期已經加咗contact嘅女仔，雖然一直冇約但佢喺節日會send season greeting比小弟，佢嘅用心係小弟約佢嘅原因。

約Gina時佢有問小弟第一次會唔會上房，其實只要食飯啱傾，小弟係冇所謂。但喺Elsa仲佔據緊小弟嘅腦海情況下，最後都決定只係純約。

約會當日小弟比原定時間早到，等咗一陣Gina 就嚟到，外觀上身形都吸引，佢皮膚好白，様貌亦可以，只是當時小弟嘅心情根本投入唔到，反而想搵個人可以傾下。Gina佢人生經驗比較豐富，同佢傾計都好舒服，初時嘅話題都只係講下疫情對生活嘅影響，後來小弟話自己可能沉船，話題就完全轉到大家喺呢種關係嘅經歷。

Gina話之前都有約過佢嘅人，懷疑自己沉船好似小弟咁搵佢去了解自己嘅感覺。但佢講嘅case係男女雙方都沉，男嘅有自己家庭，女嘅已經唔收錢，情況係一發不可收拾。小弟聽咗後覺得如果Elsa唔收錢，小弟一定死緊。雖然Gina講嘅case未有bad ending（小弟指嘅bad ending係影響到家庭，而出嚟玩受感情傷害係抵死，玩嘅係要自己承受）但睇返自己嘅情況一啲都唔樂觀，除咗斬攬完全唔會有咩好結果。

喺呢個思緒咁混亂嘅時期，小弟興幸搵到Gina傾訴，喺聽咗一啲ptgf沉船嘅故事，小弟嘗試盡量理解自己嘅感覺，並打算暫時唔約Elsa。