PTGF同夜總會嘅分別 Betsy

同Ada約會結束後，同佢係TG上講咗幾句，之後都冇再聯絡。網上有好多人比較ptgf，私人會所，夜總會，或其他玩法，好多都以女仔質素為主。

小弟有去過夜總會，香港，澳門，台灣都有，雖然次數十隻手指數得哂，但都可以講下小弟嘅感覺。

夜總會每次都係成班人去，玩嘅係同班朋友嘻嘻哈哈飲酒，只係多咗個靚女係旁邊一齊玩，合眼緣就出街。小弟enjoy嘅係成班人喺房玩，喺房癲，基本上同啲女仔都唔多交流。加上小弟係外貌協會嘅，唔啱feel而又喺冇彈女嘅情況下，小弟只會叫個女仔一齊猜下圍枚，唔會同佢有咩身體接觸同交流。因為真係冇興趣，但禮貌上又唔想完全唔理佢hurt到佢，有時反而覺得要照顧返佢感受。

約ptgf，整個過程一對一，交流多好多，真係會傾計，會有識女仔嘅感覺。對小弟嚟講唔好處係外表唔啱feel，都要對住傾一陣。但因為有多啲交流，約過嘅印象會比較深。

雖然Ada外表唔係小弟杯茶，但約會感覺不錯，所以無幾耐就約另一個出來吃飯，佢叫Betsy。由於係約閒日lunch要返工，所以呢次只係純約。係餐廳等咗一陣Betsy就出現，坐底未除口罩都ok，可惜一除口罩就完全唔係小弟杯茶。係嗰一刻小弟諗係咪自己期望過高，係心情灰灰地嘅情況下都完成咗個約會。不過諗返轉頭，Betsy對住我都可能好難受，所以唔啱feel嘅小弟都唔會西面，起碼都食餐飯，有傾有講。雖然比車馬費叫佢走洗少啲錢，但小弟都情願比多少少食餐飯，比返啲專重對方。

其實Betsy嘅談吐都溫文有禮，不過同Ada比，Betsy相對有啲含蓄，所以啲話題都係點到即止，甚至有啲悶，基本上都係等差不多夠鐘就走，往後都冇再聯絡。但小弟依然係平台上比咗個正評，始終佢都係一個好女仔，小弟唔啱唔代表其他人唔啱。

正如上面提到，約過兩個之後小弟對ptgf嘅期望有啲調節，因為兩個喺TG上嘅相都令小弟有所期待，可能自己FF過度，見到真人係失望。同時小弟開始去了解cm vs kg嘅比例，從自介中了解對方到底肥定瘦，因為冇留意開155-165 cm呢個range嘅高度，幾多kg係肥，幾多kg係瘦，係約咗兩個後，睇返佢哋自介有返啲概念。

基於上兩次嘅經驗，係揀第三個約會對象時，小弟決定唔理啲相（其實又冇完全唔理，只當參考）只跟據平台上嘅好評去揀。