港女Julia上完電視做PTGF加價一倍

早前PTGF（兼職女友）引起一時話題，因為這份「工作」與援交大同小異，都以金錢進行交易，例如拖手、擁抱、親吻，甚至是性交易。

昨晚香港電台的《鏗鏘集》，正是討論PTGF，其中一位28歲受訪者Julia（假名）最有話題性。當其他受訪者相當避諱，要求馬賽克及聲音處理，可是Julia認為做PTGF是對得住自己，全程都沒有打格接受訪問。

Julia在訪問表現得相當自信，她講到普遍男性光顧PTGF的原因，是源於「供養」女朋友而吃一頓飯，遠比找一個PTGF更昂貴，她認為這些男士的想法不太理想：「不論朋友定係情人，都係有價值先會一齊，男仔送禮物比女仔係應該。」這番說話對於男士來說，可能帶有挑釁性。

而Julia後來不諱言自己充滿自信，認為做PTGF的過程不會受害：「佢哋（客人）個個都好好，因為係我有心去揀，只要喺Message傾幾句，就會知道佢係好人定壞人，可能我份人比較有自信喇。」她選擇不遮樣，全因她覺得她做PTGF是正當職業：「我都冇做過啲咩。」但被問到家人是否知道她做PTGF，Julia愣了一會說：「唔知。」後來再補充：「我相信我阿媽會接受。」並透露未來會一直做PTGF，因為這個工作有價有市。

節目出街後，很多男網民對Julia有很大反應。因為Julia在ig表明自己做PTGF是為了開解客人，不會做任何親密接觸，而她在節目講到吃一頓飯盛惠1千，引來網民質疑：「食餐飯都成千，我寧願去食半島喇。」後來討論發展至對Julia有人身攻擊：「佢話佢啲ex話佢得個樣，真係唔明囉。」Julia今次大方出樣，引來熱烈討論，未知會否影響她的生意。

睇過Julia的ig，意外地發現她3日前明明標價出街食飯收＄500，但一上電視就表明自己收＄1000，直頭是加價兩倍。而她的ig一直都未有公開自己的真面目，今次上電視不設防，惹人聯想她借節目上位，接更多生意。