如果俾我揀多次

我寧願情人節自己一個

情人節原本就係情侶拍拖放閃嘅日子，單身所以都想有人陪下，嗰日見咗個叔叔，not my ideal dating

第一次見佢，我哋約咗喺中環食飯，佢聲稱自己35歲，我自己覺得食餐飯冇乜嘢，見到佢都同佢幾好傾，應該成日寫嘢，所以佢都想聽我分享我嘅故事，其實我唔係好鍾意分享自己啲嘢俾人聽，亦都唔會渴望同佢有咩進一步嘅關係(上房)

返到去佢都問我幾時得閒，想約我上房，我話唔係好想約上房，Too old for me.like sugar daddy 完全唔會係我考慮嗰樣嘢，之後佢都話唔緊要，可以純約多幾次先，等熟絡啲先，actually 我冇諗過同佢上房

第二次約會係1月1號，佢同我遊車河，一齊去睇日落，係大角咀海邊佢攬住我，唔知，我自己覺得自己好嘔心，可能平時我喺街度，見到啲後生女同啲阿叔拖住手，我都好睇唔起佢，都覺得好嘔心，嗰刻我就係睇唔起自己。

再去到第三次，2月14號，其實真係好想有個男仔同自己差唔多年紀去拍下拖，我記得一個月前我就出post招人，但係最後話要約我嘅都係佢，咁佢都話想約我上房，之後我話我想睇吓佢幾多歲，佢終於講咗個真實年紀俾我聽，咁我最後都係話唔想上房住，佢知道我想有一段穩定嘅長約關係，為咗氹我上房，我記得佢用長期關係做為誘因，問我長約我會唔會考慮，我都係話唔想，之後我哋去咗遊車河，都係傾咗好多，但嗰一日我覺得好難過，我見到街度好多女仔揸住扎花，好多情侶拖住手，又或者係海傍熱吻，嗰啲先係愛情，我難過嘅係舊年陪我行海邊嗰個人已經唔係我身邊，我難過嘅係點解我會做咗一啲自己唔鍾意嘅嘢，我亦都好難過點解我會係度羨慕人地。